Haba Peuingat (Bhah Peumilu)

19 Cap<

Padub bulen uke nyoe, nakeuh, peumilihan raya, pileh presiden, pileh anggota dewan keu kota, anggota dewan keu provinsi dan laen laen, laen lom. Jeulah, nyoe ka mulayi itameng lam thoen politik, jeulah jeulah nyoe, politik. Nyoe jeulah jeulah politik. Long ulang lom sige teuk, POLITIK.

Nyang perle taneuk peugah bek hana meupu Cap, menyoe 19 nyan, cap, hai Cap 19, nyan cap lage lage nyan meupu dan jeulah, ubat kurap. Digeutanyoe bek enteuk hana meupu sapu ka suah lop lam remoh besoe, padahai hana meupu sapu pih, eh karna bak duk duk hana meupu karna, meu meukareuna teuk.

Bek, lage lage meunan, bek, contoh kana, tamse kadeuh dan jeulah ka takalen. Khusus jih keugeutanyoe man mandum teuh, bajik, putik, masak, teupulik, khusus jih geutanyoe Aceh, mubek roeh sagai sagai neupubut, but nyang hana meupu cap. Bek gara gara bhah pileh presiden nyan, pileh anggota dewan nyan, geuntanyoe ka suah talop lam remoh beso.

Pu lom sampe tajak meupake, tameuseumate, tameucrebre sabe keudroe droe teuh, nyan nakeuh rugoe, rugoe. Ube raya aju rugoe teuh. Pu lom sampe tajak meuasah asah parang, padahai nyang taneuk tak nyan ureng saboh gampoeng teuh, nyan ken but. Nyang ka ka, kalheh, bek le tamulayi seumei bungoeng pake.

Nyang tapeugah nyoe, man mandum ata na teujadi, wap politik, karu adoe ngen adun, karu aneuk ngen yah, karu inoe karu ideh, wap politik. Pakeun ek sampe meunan, paken ek sampe karu lage nyan, karna na ureng peukaru. Sit memang tugah awak peukaru untuk peukaru lam hai politik.

Nyang perle that that taneuk peugah inoe, keu man mandum syara syara long nyang get that meutuah, adoe adoe ngen adun, tuha ngen muda meubek lah geuntanyoe tameupake sabe kedroe droe wap politik nyan, seudih teuh, weuh, weuh teuh that that apabila hai hai nyang lage nyan sampe lom teujadi.

Memang maseng maseng na pilihan droe teuh, ilong galak long keu calon nyang jeh, idroe neuh galak neuh keucalon nyang nyoe, meunan sit di ureng laen, galak geuh keu calon nyang galak droe geuh, nyan bebah. Hana paksaan, silahkan, sabab maseng maseng tanyoe na haq tameugalak (demokrasi).

Bagi timses pih, pu keuh long, pu keuh droe neuh, kadang tanyoe saban saban jet keu timses keu saboh saboh perte, silahkan berkampanye, hana so tham geutanyoe nyan taneuk peu haye haye, taneuk peu gawat gawat pilihan droe teuh maseng maseng, beuget sep krak jet taneuk peugah bak ureng, o mise taneuk peugah lam kampanye;

Ureng pilehan geutanyoe nyan, gop nyan jet geupe u langet mayang, jet geupe teudeng awan tengeh jiplung, o, gop nyan mampu geuh that that untuk geucet langet, silahkan, tapi meubek lheh tasanjung sanjung pilehan droteuh, lheh nyan ka tapeubrok peubrok pilehan ureng laen, bek muenan. Menyoe memang peugah peugah droe hebat aci bek peubrok gop.

Ta ulang lom, nyang perle taneuk peugah inoe, nakeuh, meubek gop nyan cok laba geutanyoe sabe keudroe droe teuh tapanen sengsara. Bek sagai syara meutuah eee, meubek sagai sagai lage meunan. Nyoe peumilehan raya nyan, padub bulen teuk sagai, padub bulen teuk sagai.

Tameulake, saban saban tamuelake bak Poe teuh Allah SWT beujroeh udep teuh, beumuguna udep teuh, beu beureukat umu teuh. Nadak, cukop brat na ka nadak teuh ateuh keujadian keujadian nyang ka teujadi, lam padub padub thon nyoe, bunoe mugreb lom ban lheh gempa manteng. Long rasa cukop brat that that ka hek teuh keumasalah masalah nyang ka ka teujadi.

So so manteng, droe droe neuh nyang nyang hana seunang neuh keu kamoe, kamoe ureng nyang ka meu, meudep lam masa hana le gabuk nyoe, meutepu memang ureng droe neuh sampe beurangjan masa teutap han ridha neuh kamoe nyoe udep bahgia, dan beu neu ingat laknat Allah SWT akan neutume rasa, hana inoe di donya, di akhirat singeh balasan nyang nyata neutume rasa.

Ho ka neuh, syara syara long man mandum, saban saban geutanyoe ta jaga droe teuh, ingat-tapeuingat, bila-tameubila. Dari jinoe tapeusiap droe singeh uroe si uroe lam bulen Pet nibak thon nyoe (April 2019), saban saban tajak, tapileh pilehan droe teuh maseng maseng.

Sige teuk long peugah, mubek sagai sagai hana meupu cap. Ideuh blah deh laot digop jimeupiasan, itanyoe inoe ka sabe kedroe droe teuh, ka ta meuraya raya boh soh ngen peukreh peukreh badan, pungo, nyan pungo. Hana meupu meucap pih. Politik, haruh, get dan perle that that beuna lam udep nyoe, na tak tik, tapi beusehat ken meukaplat.

“Ubat jamoek model jih meuputa, tutong jet bak bak ujong, tapi eh jeh keudeh meugisa.”

Aceh, 1 Januari 2019.

Syukri Isa Bluka Teubai, penyuka sastra dan bukan penyair.