Saleum Teuka Bulen Lahe Nabi Mulia Muhammad SAW
Thon keu thon meugantoe, masa ngen uroe pih meugantoe, meuhingga katroh kelayi bak geutanyoe bulen lahe Nabi Mulia Muhammad Shallallahu 'Alaihi Wasallam. Dengen ka teuka bulen nyang mulia nyoe bak geutanyoe ban bandum, maka beusenanglah ate teuh, beutenanglah jiwa teuh, beumeu tamah tamah udep geutanyoe makmu lam donya siat nyoe.
But nyang ka pasti tapubut le geutanyoe, nibak bulen lahe nabi nyang meuleumpah that mulia nyoe, nakeuh, but, nyang but nyan ka dari nek nektu moyang teuh jameun, geu pubut but nyan, nakeuh, tapeurayek uroe lahe Nabi, pu lom geuntanyoe, khusus jih di Aceh, hana manusia nyang hana pubut but nyan, nakeuh, peurayek uroe lahe Nabi Muhammad SAW.
Lhe bulen dari jinoe keu uke, akan meuturot turot geutanyoe di Aceh nyoe akan tapeurayek uroe lahe Droneuh nyan, lhe bulen meuturot turot akan tapeurayek uroe bulen nyan. Seumejid seumejid, Meulasah meulasah, Bale bale Beut dan lam lam tip tip gampong pasti akan ta deunge ureng meudike, pasti akan ta deunge ureng meuseulawet dengen ate seunang, dengen ate bahagia, ureng meuselawet keu nabi mulia.
Lam lhe bulen wate, ho ho nyang takalen lam tip tip gampong pasti ureng ureng jih deh ceuria ie muka, deuh ceuria meusahaja kerana katroeh teuka bulen lahe nabi nyang meuleumpah that mulia. Dan jika taneuk bandeng bandeng dengen perjuangan Nabi Muhammad SAW, bak geubila islam nibak wate saboh jan, nakeuh, ban bandum nyang tapeulaku le geutanyoe jinoe.
Pu lom lam lhe bulen nyoe entek, nyan, nakeuh, meubacut hana bandengan jih, meubacut hana. Beuthat le geutanyoe ka tameudike, ka tameuseulawet uroe uroe malam lam lhe bulen masa, manteng sit hana bandengan dengen perjuangan Beliau nyan keu geutanyoe. Pu lom sama seukali le geutanyoe hana tapeurayek, sama seukali hana tem tapeurayek bulen lahe Droneuh nyan, nyan hana cara aju.
Beurarti guetanyoe nyang lage lage meunan, nakeuh, akan ditameng lam golongan ureng ureng nyang hana syukor. Seumoga dan tameulake sabe bak Allah SWT ban bandum geutanyoe, pu lom geutanyoe nyang ka tinggai di ateuh tanoh Aceh, teuleubeh leubeh geutanyoe nyang memang dari nek nek teuh ken ka geumeutanoh ie di ateuh tanoh Aceh nyoe.
Seumoga ban bandum geutanyoe bek keuh roh lam golongan ureng ureng nyang hana syukor nyan dan seumoga lom ban bandum geutanyoe tameulake sabe sabe bak Allah SWT beukeh roh sajan ureng ureng nyang meutume syafa'at di uro page. Saleum teuka geu gata hai bulen, uroe bulen lahe nabi nyang leumpah that mulia Muhammad SAW.
Shallallahu 'Ala Muhammad, Shallallahu 'Alaihi Wasallam
Shallallahu 'Ala Muhammad, Shallallahu 'Alaihi Wasallam
Shallallahu 'Ala Muhammad, Ya Rabbi, Shalli 'Alaihi Wasallem.
Syukri Isa Bluka Teubai, ureng nyang galak keu sastra.
0 Comments