Tupee ngen Ceurapee I

Tupee ngen Ceurapee I

Oleh; Syukri Isa Bluka Teubai

Bak saboeh bengeuh, meurumpeklah Ceurapee ngen Tupee. Di Ceurapee baroe jiwoe dari jimeuaktifitaih jih, laen ngen si Tupee njang memang baroe jineuk jak untuk inak meuaktifitaih dijih. Segalom merumpek awak nyan dua jih nibak ra uh meuuten bacut kerana to ngen gampoeng, pah bak wate bengeuh nyan. Saban-saban jitupe bahawa ra uh nyan, nakeuh, saboh ra uh yang saban-saban jijak dan jiwoe daripada jimeuaktifitaih awak nyan dua jih, njang keuh keunan ret nan.

Ka padub bulen njang ka uliket, aneuk agam njang phoen si Tupee imeudawa ngen aneuk agam kedua si Ceurapee. Jadi awak nyan dua jih saban-saban jijak lapor bak ayah jih maseng-maseng, nakeuh aneuk agam phoen tupee jijak lapor bak ayah Tupee meunan sit aneuk agam kedua ceurapee jijak lapor bak ayah Ceurapee. Punca dawa dua droe aneuk mit nyan, njang saban-saban hi daripada awaknyan dua jih. Nakeuh sabab dari ayah si Beti.

Ayah si dara nyan sabee-sabee geujak dhet aneuk TP (Tupee), kerana jipeugah le si Beti, njang jih nyan aneuk dara geuh saboh sagai, bahawa si gam aneuk TP jijak peukaru jih sabee oh malam jula. Meusabab daripada punca nyan keuh, mewoe keu dawa antara aneuk agam phon TP ngen aneuk agam njang nomor 2 CP (Ceurapee). Bulee awak nyan dua jih, saban wareuna. Cara ijak awak dua jih pih hana beda.

“Kah mangat, lheh ka peukaru aneuk dara gop. Long njang keuneng dhet, padahai sapu tan ku pubut ilong bak si Beti nyan,” kheun aneuk agam phon TP bak aneuk agam CP yang nomor dua. Awak nyan dua jih memang ngen that sit.

“Kiban han kupekaru jih teuman, kop brat tari jih. Pu lom menyoe kutume pajoeh jih, sang meu bulen-bulen tenget kuh. Pu lagee kah, bek ile untuk pajoeh, meu kapeukaru han katejet,” se ot aneuk agam nomor dua CP.

Awak nyan jimeudawa-jimeudawa, tapi hantem jet keu benci, fitnah keu fitnah, hana tatume lage nyan bak dua jeuneih beuthat pih karap saban hi awak nyan. Beuthat pih resiko rayeuk keuneng ateuh aneuk agam Tupee, keutimbang aneuk agam nomor dua Ceurapee, jih sit hana meuresiko sapu. Kadang-kadang si agam TP yang tengeh mangat jigrop-grop, ka le keuneng blie bak ayah si Beti.

Bersambung......